განწობისთვის!

Wednesday, April 18, 2012

უიღბლო ნორმა და იღბლიანი მერლინი



ის ამერიკის სექსიმბოლო იყო და მასზე მილიონობით მამაკაცი ოცნებობდა. ქერა კულულები, მომაჯადოებელი ღიმილი, პატარა, ოდნავ აპრეხილი ცხვირი - თავად სრულყოფილება გახლდათ. ბევრი ფიქრობს, რომ მერლინ მონრო მაშინ გაჩნდა, როცა ნორმა ჯინმა თმა ოქროსფრად შეიღება. სინამდვილეში კი ნორმას ბევრი რამის შეცვლა დასჭირდა, რომ ლეგენდარულ მერლინად ქცეულიყო. 
ბავშვობაში, რომელიც მერლინ მონრომ სიღარიბეში გაატარა, მეტსახელად თაგუნას ეძახდნენ. ჩუმ გოგონას, კარტოფილივით ცხვირითა და ურჩი თმით, ყურადღებას თითქმის არავინ აქცევდა, ამიტომ თავს სიტყვა მისცა, რომ მასზე მსოფლიო ილაპარაკებდა. ცხვირის, ლოყების, ნიკაპისა და თეძოების სრულყოფა პლასტიკური ქირურგის სკალპელის წყალობით შეძლო, ხოლო გაუბედაობა და კომპლექსები მერლინმა უიღბლო ნორმას დაუტოვა. მონდომებამ დიდებაც მოუტანა და სიმდიდრეც, მაგრამ ბედნიერება მაინც ვერ ჰპოვა. მდიდრულმა გარეგნობამ მასზე ბოროტად იხუმრა, რადგან ფილმებში მხოლოდ თავქარიანი ლამაზმანების როლებს სთავაზობდნენ. კომედიური ჟანრის ფილმებთან ერთად, მის ბიოგრაფიაში მრავლად იყო უიღბლო ქროწინებები და კარიერას შეწირული, ხელოვნურად შეწყვეტილი ორსულობები. პლანეტის ყველაზე სასურველი ქალი ამ ქვეყნიდან ახალგაზრდა, მარტოსული და უბედური წავიდა.

No comments:

Post a Comment